جلسة رقص تنحيفي لانقاص الوزن وتحسين الحالة النفسية

 

عشان نمارس "رياضة" من أي نوع.. لازم نعرف أجسامنا، ونفهم امكانيات كل جزء فيها. وعشان تحديدا نقدر نمارس "الرقص" كرياضة.. لازم نتعلم الخطوات الأساسية لأنواع كتير من الرقص، ونقدر نتعرف عليها بسهولة زي "الهندي، اللاتن، الافريقي، الشرقي وغيرهم". ضروري نتعلم ازاي نستخدمها بطرق تساعدنا نتخلص من "الوزن الزائد". نكتشف ازاي الرقص ممكن يغير من شكل أجسامنا اللي اتعودنا عليها.

التدريب على تمارين مختلفة تساعدنا في بناء العضلات وتقوية العظام وشد الجسم واللياقة وتأهيل الجسم للحركة والرقص.

علا سالم مدربة "ورشة الرقص التنحيفي" لانقاص الوزن وتحسين الحالة النفسية، هتكون موجوده معانا يوم الخميس 16 نوفمبر في تمام الساعة السابعة مساءً .. عشان تطبق معاكم كل ده، وتقولكم (ازاي ممكن نطبق تمارين الرقص في البيت؟ وهنخسر وزن في مده زمنيه قد ايه مع الرقص؟ وايه هو تعريف "تدريبات الرقص وأنواعه، وخطواتها الأساسية؟" وازاي تقدروا تختاروا نوع الرقص اللي محتاجين تتعلموه؟ وايه هي فوائد رياضة الرقص بشكل عام.


تعمل علا سالم كمدربة رقص ولياقة بدنية مع السيدات والأطفال منذ 2014.أسست "ورشة الرقص التنحيفي" بهدف انقاص الوزن وتحسين الحالة النفسية في 2015، وقدمتها في العديد من الأماكن مثل ستوديو عماد الدين، كاميرا وميكروفون القاهرة، دار ميريت للثقافة والفنون، اكستريم جيم، ملاذ، مركز آنا سيمون، كرافان وستوديو أوزوريس. عملت كمدربة رقص ومصممة حركة مع الأطفال بمدرسة "مودرن سكول الدولية" سنة 2014. شاركت بالعمل التطوعي مع مستشفي بهية، والجمعية المصرية لدعم مرضي السرطان. كما شاركت من خلال ورشة الرقص التنحيفي التي ساهمت في العلاج بالرقص لأول مرة بمصر، بجلسات رقص اسبوعية خاصة بمحاربات السرطان فقط بدار ميريت للثقافة والفنون. أسست سنة 2016 أول فريق دعم نفسي بمصر يعمل بشكل شهري من خلال يوم بعنوان "جرس الفسحة".

 

____

عنوان أضف: رقم 143، ش 8، متفرع من ميدان النافورةـ، المقطم الهضبة العليا. للوصول إلى مقر أضف بالمقطم: مواصلات من السيدة عائشة (ميكروباص المقطم خلف جامع الفتح برمسيس) والوصول إلى ميدان النافورة بأول المقطم، في الميدان يوجد البنك الأهلي وسوبر ماركت مترو، اتجه في الشارع بين البنك والماركت (البنك على اليمين والماركت على اليسار) حتى نهاية الشارع ثم الاتجاه إلى اليمين والسير دقيقتين، فيلا "أضف" رقم 143 تقع قبل نهاية شارع "8" على اليمين.

من الحي السابع مدينة نصر، ميكروباص للمقطم بالقرب من شبراوي آربياتا، وعند الوصول، نستقل ميكروباص أخر لميدان النافورة، وبقية الوصف مكرر.