مستخدم:أحمد/إعلان راديو للينكس
4 سيناريوات لإعلان صوتي للترويج لنظام التشغيل لينكس
سيناريو 1
الطول المستهدف للإعلان 30ث
التركيز على سهولة الاستخدام و الفاعلية و المجانية و القانونية
أ: يووه..الكمبوطر باظ ثاني!
ب: إيه ثاني! ما أنت للسا مفرمته من كم شهر!
أ: أيوة..سهرت ثلاث ليالي أركب النظام و البرامج و أضبّط..و دالوقت عندي ميعاد تسليم و مزنوق جدا..و مافيش حاجة راضية تشتغل ):
ب: طيب بدل نظام التشغيل التعبان دا ما تجرّب غنو\لينُكس
أ: غنو\لينُكس؟
ب: أيوة، غنو\لينكس نظام التشغيل الحرّ..أنا باستخدمه من سنين، و من يوم ركبته شغّال كويس و عمري ما احتجت أفرمت و عمره ما بيعطل
أ: بجد؟! و غنو\لينكس دا سهل استخدامه يعني؟
ب: أيوة..و فيه كلّ البرامج الممكن تحتاجها، متصفحات إنترنت و برامج البريد و ميديابلايرز و وردبروسسرز و سبردشيت، و غيرها..
أ: و دا نسخته بكم؟
ب: بكم إيه! باقول لك غنو\لينكس نظام تشغيل حرّ؛ مجّاني و مفتوح المصدر. يعني تقدر تختار التوزيعة ال تعجبك و تنزّلها من الإنترنت ببلاش و تستخدمها!
أ: بجد! و دا قانوني؟
ب: طبعا..كل نسخة من نظام التشغيل غنو\لينكس هي نسخة أصلية؛ مرخّصة و قانونية 100%، و تقدر كمان تنسخها لمعارفك.
أ: أنا لازم أجرّبه..دا يبقى هايل! ر: لمعلومات أكثر عن نظام التشغيل الحُرّ غنو\لينكس زر موقع لينكس.مصر
سيناريو 2
الطول المستهدف للإعلان: 30ث
التركيز على الجدّة و الميل العالمي و المجانية و القانونية
أ: ياه! أنت للسا بتستخدم نظام التشغيل دا! دا أنت قديم قوي!
ب: أمال أنت بتستخدمي إيه؟
أ: أنا باستخدم غنو\لينكس، نظام التشغيل الحُرّ؛ المجاني مفتوح المصدر
ب: حرّ! مجاني! مفتوح المصدر! إيه الكلام دا؟
أ: نظام التشغيل غنو\لينكس فيه منه توزيعات كثير، تقدر تنزل ال يعجبك منها من الإنترنت و تستخدمها؛ أو ممكن أديك أنا نسخة من توزيعتي المفضّلة.
أ: و دا قانوني؟!
ب: طبعا. كل نسخة من غنو\لينكس هي نسخة أصلية؛ مُرخّصة و قانونية 100%
أ: ودا فيه حد غيرك في العالم بيستخدمه؟
ب: هاهاها..أيوة..ملايين الناس حول العالم بيستخدموه على أجهزة اللابتوب و الدِسكتوب، في بيوتهم و مدارسهم و جامعاتهم و شركاتهم. دا غير أن شركات الاتصالات و الإنترنت و أكبر المواقع و قواعد البيانات مش بتشتغل بأي نظام غير غنو\لينكس.
أ: يا سلام!
ب: أيوة، لأنه نظام تشغيل قوي و آمن؛ و كمان سهل و فيه كل البرامج و التطبيقات الممكن يحتاجها الشخص العادي أو المتخصص. ر: لمعلومات أكثر عن نظام التشغيل الحُرّ غنو\لينكس زر موقع لينكس.مصر
سيناريو 3
الطول المستهدف للإعلان: 30ث
التركيز على الأداء الجيّد و المجانية و القانونية
ب: الكمبيوتر دا بقى بطيء قوي..مش عارفة أعمل حاجة عليه..شكلي هاضطر أشتري جهاز جديد
أ: طيب قبل ما تكعّي لك مبلغ محترم في جهاز جديد، ما تجرّبي تركّبي عليه نظام غنو\لينكس. احنا شغالين عليه في المكتب و مع أن أجهزتنا قديمة لكن أداءها في الاستخدام ممتاز.
ب: إيه غنو\لينكس دا؟ أنا هاعرف أستخدمه؟
أ: غنو\لينكس نظام التشغيل الحرّ مفتوح المصدر، فيه منه توزيعات كثير تقدري تختاري ال يعجبك منها و تنزليها مجانا من الإنترنت و تستخدميها، و فيها كلّ البرامج الممكن تحتاجيها، و أكثر كمان.
ب: هو أنا عارفة أستعمل الجهاز أصلا أما هتقولي لي نزّلي من الإنترنت! ا: بسيطة، بكرة أجيب لك معي نسخة من الشغل.
ب: نسخة! و دي تبقى قانونية؟ و الشغل مش هيزعلوا أنك تاخدي نسخة؟
أ: كُلّ نسخة من نظام غنو\لينكس هي نسخة أصلية؛ مرخّصة و قانونية 100%
ب: لكنك بتقولي أنه مجّاني! هو فيه حاجة ببلاش، و كمان كويسة و توفّر لي ثمن جهاز جديد بدل القديم التعبان دا!
أ: هاهاه..آه..تخيّلي أنه فيه؟ لكنه زي ما تقولي كدا سرّ..هاهاها..سرّ بيعرفه و يستخدمه ملايين الناس في العالم في بيوتهم و جامعاتهم و شركاتهم، و في المصالح الحكومية كمان. ر: لمعلومات أكثر عن نظام التشغيل الحُرّ غنو\لينكس زر موقع لينكس.مصر
سيناريو 4
الطول المستهدف للإعلان 30ث التركيز على الأمان و سهولة الاستخدام و القانونية
أ: ر: لمعلومات أكثر عن نظام التشغيل الحُرّ غنو\لينكس زر موقع لينكس.مصر