محضر:في 23-11-2017 اجتماع فريق مخيم 2018
الحضور
سناء - وسام - حسام -رنوة - لميا - علي
النقاط التي تم مُناقشتها
- المُعدات المطلوبة
هنشتريها منين من لبنان على ولا من مصر وهنشحنها، مع الأخذ في الإعتبار إن الشحن بياخد وقت طويل فلو قررنا نشحن علشان المعدات في مصر أرخص فلازم يبقى قبل المعسكر بوقت كفاية.. فالمفروض يبقى المسؤول التقني يبقى اسمه مُحدد من بدري علشان نشوف تكلفة الشراء من مصر + الشحن هتبقى أرخص ولا الشراء من لبنان.
- مين مُدير المُعسكر؟!
هل هيبقى في مُدير واحد ولا هيبقى فيه أكتر من شخص (تلاتة مثلاً) هتتوزع المهمة ما بينهم؟ وهل الأشخاص دول هيبقوا من فريق السواقة ولا من براه؟
- إزاي هندير الإدارة؟!
ننسق مُعدل مُقابلاتنا إزاي، كفاية إننا نتقابل مرتين في الشهر مثلاً؟! مش كفاية في أول فترة لأننا عندنا مُهمات لازم تحصل بسرعة، إختيّار فورمات مُعسكر الفتيّة وإختيّار الفريق بالتوازي مع إختيّار الموقع، المفروض ده يخلص في ديسمبر (آخره؟)
- المُدربين في مُعسكر الفتيّة
الأتنين المُدربين في نفس المجال لازم يكون في واحد منهم من المُدربين القدام. إقتراحات لمُدربين أساسيين: ديناصور، سناء، حسام، شروق، يزن؟
- فورمات مُعسكر الفتيّة
كُل اتنين مُدربين نفس المنهج هيّدوا 8 ورشات، أربعة ورشاتهم بس والأربعة التانيين يشَبكوا مع مُدربين مناهج تانيّة.
- 100يوم (أحيه)
بعد أن أخذ على يُفكر ويُفكر ويشخبط في نوتبوكه، اكتشف ان المطلوب منه بصفته فرد في فريق السواقة انه يشتغل حوالي 100 يوم في السنة على مُعسكر الفتيّة والشباب ما بين مُلتقيّات وإحتماعات ومُعسكرات، وأثار ذلك قلقه وتخوّفه حين أدرك إن تقريبًا تلت السنة شُغل مُعسكرات.. فنتج اقتراحات لمُحاولة ضغط الوقت.. إن فريق السواقة ينقسم لجزئين ما بين مُعسكر الفتيّة ومُعسكر الشباب، والتقسيم يبقى على حسب الأولويّة الخاصه باهتمام الشخص (تشحب فتشية ولا شوباب) أو الأشخاص ت rotate ما بين المُعسكرين (حبّة كدة وحبّة كدة).
قرارات
1- المُلتقى الأول للفتيّة والشباب (ميني كامب) مُلتقى يضم فريق الفتيّة والشباب كُلهم بمثابة (TOT) مُجمع.
2- فريق السواقة يقسم نفسه بين المُعسكرين على حسب اهتماماتهم وعلى حسب التُقل
3- اوبن كول مُدربين دعوة المُدربين الذين سبق لهم واشتبكوا مع أضِف للتقديم كمُدربين لمُعسكر الفتيّة والشباب ( اوبن كول على نطاق ضيق وشرط انهم يكونوا اشتبكوا مع أضِف) وتجهيز إستمارة التقديم والنشر أونلاين بعد اسبوعين من اليوم، و هنشتغل على تجهيز الإستمارات ما بينا أونلاين الحد ما نتقابل يوم 29 نقفلهم تجهيزًا لإطلاق الدعوة أونلاين. وتيمات مُعسكر الشباب الفريق يحددها لما يتم اختياره.